ZER DA ALGARAKA?

ALGARAKA BAKARRIZKETA GAUA

EUSKARAZKO UMOREA OHOLTZA GAINEAN

BARREA ETA AHOZKOTSAUNA PROTAGONISTA

Algaraka euskarazko umorea, ahozkotasuna eta sormena sustatzeko sortutako proiektua da. Gau batez, Bergarako Seminarixoa euskarazko bakarrizketen topaleku bihurtzen da: sortzaileek oholtza bat dute, eta publikoak euskaraz barre egiteko plaza bat.

Jardun Euskara Elkarteak antolatzen du, Bergarako Udalaren, Gipuzkoako Foru Aldundiaren eta Goiena Komunikazio Taldearen laguntzarekin.

BI HELBURU

PLAZA BAT SORTZAILEENTZAT, ALGARAK PUBLIKOARENTZAT

Alde batetik, euskaraz sortzen dutenei laguntzea: talentua eta ahozkotasuna bultzatzea, eta euren lanak erakusteko taula duin bat eskaintzea. Bestetik, ikusleei euskarazko umoreaz eta kulturaz gozatzeko gau bat ematea.

Bide horretan, 2024an bakarrizketa-lehiaketa gisa jaio zen Algaraka; 2025ean, bakarrizketen gau handi bihurtu zen, eta Seminarixoa bete egin zen. Aurten, sortzaile berriei bidea errazteko, stand-up tailerra hiru saiotara zabaldu da.

Ez da lehiaketa bat: ospakizun bat da.

ABENDUAK 18 ABENDUAK 18 ABENDUAK 18 ABENDUAK 18
ABENDUAK 18 ABENDUAK 18 ABENDUAK 18 ABENDUAK 18
BAKARRIZKETA GAUA BAKARRIZKETA GAUA
BAKARRIZKETA GAUA BAKARRIZKETA GAUA
BERGARAKO SEMINARIXOAN BERGARAKO SEMINARIXOAN BERGARAKO SEMINARIXOAN
BERGARAKO SEMINARIXOAN BERGARAKO SEMINARIXOAN BERGARAKO SEMINARIXOAN

Prest Bergara?
Barre egitera gatoz!

ABENDUAREN 18AN, SEMINARIXOA UMOREZ BETEKO DA

SEI BAKARRIZKETARI OHOLTZA GAINEAN

Horietako bost izen-emate irekian aukeratuko ditugu, eta publikoak, irribarrez, txaloz eta algaraz lagunduko die.

Algaraka Bakarrizketa Gaua ez da lehiaketa, baizik eta ospakizuna:
euskarazko sormenari eta ahozkotasunari bultzada bat emateko, eta ikus-entzuleei umorez eta kulturaz gozatzeko topagune paregabea.

Izen-ematea zabalik dago azaroaren 11ra arte. 

Izen-ematea laster irekiko da!

PARTE HARTU NAHI DUZU?
Urriak 28

IZEN EMATEA ZABALIK

Grabatu 2–3 minutuko bideo labur bat eta bidali komunikazioa@algaraka.eus helbidera.

Azaroak 11

IZEN EMATEA ITXIKO DA

Ez utzi azken momenturako, eta bidali zure bakarrizketa berandu baino lehen.

Azaroak 13

AUKERATUEN BERRI EMANGO DA

Edizio honetako kartela aurkeztuko dugu. Animatu! Agian zure izena agertu daiteke aurtengo bakarrizketalarien artean.

Abenduak 1etik 15era

COACH SAIOAK

Hautatutako bakarrizketariek formazio eta entsegu saioak jasotzeko aukera izango dute profesional baten eskutik. Txisteak fintzeko, esaldiak borobiltzeko eta oholtzako lotsa galtzeko azken txanpa!

Abenduak 19

BAKARRIZKETA GAUA

Egun handia! Bergarako Seminarixoa umorez beteko da eta sei bakarrizketarik oholtza astinduko dute. Barre egiteko, gozatzeko eta euskarazko umorea ospatzeko gau berezia.