Algaraka umorezko 😂 bakarrizketa lehiaketa da. Euskarazko bakarrizketagintzaren loraldiaren erdian, Bergarako Jardun Euskara Elkarteak eta Goiena Komunikazio Taldeak elkarlanean antolatua, Primeranen laguntzarekin.

Izan ere, zer egingo genuke umorerik, gozamenik, irri eta algararik gabe? Umorea
sendagarri da, eta zer hoberik Euskal Herrian euskal kultura aberasteko lanean
diharduten bakarrizketariei espazioa eta tokia egitea baino.

Talentua bultzatzeko, euskarazko sortzaileak eta kultura sustatzeko, euskarazko
ahozkotasuna areagotzeko, bakarrizketen zirkuitua Gipuzkoara eta Euskal
Herrira zabaltzeko eta kultura, umorea, gozamena, irria, euskaraz ahalbidetzeko
sortu da Algaraka.